XX. mendeko Euskararen Corpus estatistikoa

Testuingurua

EKAITZAREN ORROA

Zigarro muturrak
eta egunkarietako artikuluak.
Partitura baten zatiak
pianoan kantatu ondoren.
Poesia erromantikoa,
isilune hutsalez beteriko aulkiak.
Andraderen Gerizondo Loratuei poema
errezitatzen duzu, memoriaz ikasita.

Gau-mitxeleta bat lanpararen
argitasunean, alde eta aurka jolasean.
Likoreak utzitako bihotz puxkak ahoan.
Edertasunaren gose begininiak.
Gure grinetan ahulago sinesten.
Arnaskada gure odolarekin,
gure ametsekin eta
gure maitasunaren biluztasunarekin.

Etsipenaren errezelak leihoaren aurpegi
abendukorraren kontra botata.
Ez da iragartzen irratian
udaberriaren etorrera.
Eta gure paretak alaiago
bihurtzen dituzten marrazkietan,
ekaitzaren orroak, aurrera segitzen du.